မြို့ပြဖွံ့ဖြိုးရေးလုပ်ငန်းများအသုံးပြုရန်အတွက် ဂျပန်မှ ချေးငွေရယူရန် လွတ်တော်က အတည်ပြု

16
162 Shares

မြို့ပြဖွံ့ဖြိုးရေးလုပ်ငန်းများအသုံးပြုရန်အတွက် ဂျပန်နိုင်ငံမှ ချေးငွေရယူရန် လွတ်တော်က အတည်ပြု

loottaw 2

နိုင်ငံတော်သမ္မတ ပေးပို့သည့် ရန်ကုန်မိလ္လာစနစ်ပြုပြင်ရေးအပါအ၀င် မြို့ပြဖွံ့ဖြိုးရေးလုပ်ငန်း များဆောင်ရွက်ရန်အတွက် ဂျပန်နိုင်ငံမှ ယန်း ၈၂ ဘီလီယံ ချေးယူမည့်ကိစ္စကို ယနေ့ ကျင်းပသည့် လွှတ်တော်တွင် မဲခွဲဆုံးဖြတ်ခဲ့ပြီး အတည်ပြုပေးလိုက်ကြောင်း သိရသည်။

မြို့ပြဖွံ့ဖြိုးရေးအတွက် ဂျပန်မှ ချေးငွေယူမည့် နိုင်ငံတော်သမ္မတ၏ အစီအစဉ်ကို ကန့်ကွက်မဲ ပေးသူ ၁၅ ဦးသာ ရှိခဲ့ပြီး ထောက်ခံသူ ၅၀၀ ကျော်ရှိခဲ့သည်။

loottaw 1

ချေးငွေကို အတည်ပြုပေးပါရန် တင်ပြခဲ့မှုကို ပြည်သူ့ငွေစာရင်း အဖွဲ့မှ ပြည်ထောင်စုလွှတ်တော်ကိုယ်စားလှယ် ဦးအောင်မင်း၊ လျှပ်စစ်စွမ်းအင် ဒုတိယ၀န်ကြီး ဒေါက်တာထွန်းနိုင်၊ စီမံ၊ ဘဏ္ဍာ ဒုတိယ၀န်ကြီး ဦးမောင်မောင်းဝင်းတို့က ဆောင်ရွက်ခဲ့ကြသည်။

တင်ပြချက်များအရ ဂျန်မှ ချေးငွေ ယန်း ၈၂ ဘီလီယံကျော်ကို ရန်ကုန်စည်ပင်က ရန်ကုန်မိလ္လာစနစ်ပြုပြင်တည်ဆောက်ရေးအတွက် ယန်း ၄၅ ဘီလီယံကျော်၊ ရန်ကုန်မြို့ပြဖွံ့ဖြိးရေးအတွက် ယန်း၂၄ ဘီလီယံကျော်၊ ရန်ကုန်နှင့် မန္တလေး လျှပ်စစ်ဓါတ်အားဖွံ့ဖြိုးရေးအတွက် ယန်း ၁၂ ဘီလီယံကျော် အသီးသီး အသုံးပြုမည်ဟု သိရသည်။

loottaw 2

ရန်ကုန် မိလ္လာစနစ်က နှစ်ပေါင်း ၁၃ ၀ကျော်နေသည့်အတွက် ချေးယူရခြင်းဖြစ်သည်ဟု ပြည်သူ့ငွေစာရင်း အဖွဲ့မှ ပြည်ထောင်စုလွှတ်တော်ကိုယ်စားလှယ် ဦးအောင်မင်းက ရှင်းပြသည်။

လက်ရှိ ရန်ကုန် မိလ္လာစနစ်က လူဦးရေ ၄၀၀၀၀ကျော်အတွက်သာ ဖြစ်နေပြီး၊အသစ်ဆောင်ရွက်မည့် ချေးငွေက လူဦးရေ ၂ သိန်း ၇ သောင်းကျော်အတွက် ဖြစ်သည်ဟု ၎င်းက ပြောသည်။

loottaw 1

ပြည်ထောင်စုလွှတ်တော်နာယကက ချေးငွေကို အသုံးပြုရာတွင် စနစ်တကျ အသုံးပြုရန်နှင့် လွှတ်တော်ကိုယ်စားလှယ်များ၏ အကြံပြုချက်များကို အလေးထားဆောင်ရွက်ရန် သက်ဆိုင်ရာ အစိုးရဌာနများကို မှာကြားခဲ့သည်။

Facebook Comments
162 Shares