YBS ယာဉ်လိုင်းများကို ည ၁၀ နာရီအထိ ပြေးဆွဲခိုင်းသွားမည်

181
856 Shares

YBS ယာဉ်လိုင်းများကို ည ၁၀ နာရီအထိ ပြေးဆွဲခိုင်းသွားမည်

ybs 1 2

ခရီးသည်များ အဆင်ပြေစေရန် YBS ယာဉ်လိုင်းများကို ည၁၀နာရီအထိ ပြေးဆွဲနိုင်ရန် စီစဉ်ဆောင်ရွက်နေကြောင်း ရန်ကုန်တိုင်းဒေသကြီး သယ်ယူပို့ဆောင်ရေး ကြီးကြပ်ကွပ်ကဲမှု အာဏာပိုင်အဖွဲ့ (YRTA) မှ တွဲဖက်အတွင်းရေးမှူး ဦးလှအောင်ကပြောသည်။

အဆိုပါ YBS ယာဉ်လိုင်းများအနေနှင့် ယခုလက်ရှိတွင် ည ၉ နာရီအထိ သာပြေးဆွဲလျက်ရှိပြီး ယဉ်လိုင်းအချို့ဖြစ်သည့် YBS (၂၀)၊ (၈၃)၊ (၉၈)၊ (၉၉) နှင့် YBS YBS Airport Shuttle (လေဆိပ်မှ ဆူးလေ) ယာဉ်လမ်းကြောင်းကို ၂၄ နာရီ ဝန်ဆောင်မှုဖြင့် ပြေးဆွဲနေကြောင်း YRTA ထံမှ သိရသည်။

ybs 1 2

“YBS နဲ့ ပတ်သက်ပြီး ည ၁၀ နာရီအထိပြေးဆွဲဖို့ လုပ်ထားပေမယ့် ဒါကိုမလိုက်နာနိုင်တဲ့အတွက် ယာဉ်အားလုံး ထိန်းသိမ်းရတာ အားနည်းနေသေးတယ်။ ကျွန်တော့်ဘက်ကတော့ ၁၀ နာရီတိုးရေး ဆက်လက်ကြိုးပမ်းသွားမယ်။ မီနီဘတ်စ်လိုင်းတွေကို နောက်ပိုင်း ကားကြီးတွေကို ပြောင်းမယ်။ ၁၀ နာရီအထိ သတ်မှတ်ချက် အတိုင်းပြေးနိုင်အောင်လုပ်နေတယ်။ အဲဒီထက်တိုးမြှင့်ပြီး ၁၁နာရီ ၁၂ နာရီ အထိတော့ မလုပ်နိုင်သေးပါဘူး”ဟု ဦးလှအောင်က ဆိုသည်။

ယခုလက်ရှိတွင် ည ၈ နာရီနောက်ပိုင်းတွင် ကြားကား (အောက်ဆိုဒ်) များ ပြေးဆွဲလျက်ရှိပြီး ယင်းကြားကားများမှာ ဆူးလေမှ သာကေတ၊ ဆူးလေမှ မြောက်ဥက္ကလာပ၊ ဆူးလေမှရွှေပြည်သာ၊ ဆူးလေမှ အင်းစိန်၊ ဆူးလေမှ ဒဂုံမြို့သစ်မြောက်ပိုင်း၊ တာမွေဈေးမှ ဒဂုံမြို့သစ်တောင်ပိုင်း၊ တာမွေဈေးမှ သန်လျင်နှင့် မင်္ဂလာဈေးမှ သာကေတလမ်းကြောင်းများတွင် ည ၈ နာရီမှ ည ၁၂ ကျော်အထိ ကျပ် ၅၀၀ မှ ကျပ် ၁၀၀၀ ဈေးနှုန်းဖြင့် ပြေးဆွဲလျက်ရှိကြောင်း ယင်းကြားကားကို အသုံးပြုနေရသည့် ခရီးသွားများက ပြောကြားသည်။

ybs 2 2

၂၀၁၈ခုနှစ်၊ ဒီဇင်ဘာ ၁၉ ရက်က စတင်ကာ Omni Focus Transport Service ၏ ယာဉ်လိုင်းခွဲများဖြစ်သော YBS (၂၀) လှိုင်သာယာမှ ကြယ်ငါးပွင့်၊ (၈၃) လှိုင်သာယာမှ တောင်ဒဂုံ၊ (၉၈) ဒဂုံဧရာအဝေးပြေးမှ လမ်း ၅၀၊ (၉၉) ဒဂုံဧရာအဝေးပြေးမှ မြောက်ဒဂုံ ယာဉ်လိုင်းများ ၂၄ နာရီ ပြေးဆွဲလျက်ရှိပြီး ယင်းအပြင် YBS Airport Shuttle (လေဆိပ်မှ ဆူးလေ) ယာဉ်လမ်းကြောင်းကို ၂၀၁၈ခုနှစ် နိုဝင်ဘာ ၁၅ ရက်စ၍ ၂၄ နာရီ ဝန်ဆောင်မှုဖြင့် ပြေးဆွဲနေသည်။

ယင်း ၂၄ နာရီ ပြေးဆွဲပေးနေသည့် YBS ယာဉ်လိုင်းများအနေနှင့် ညအချိန် ပြေးဆွဲရာတွင် တရားမဝင် ကြားကားများ၏ ရန်ရှာမှု၊ ခြိမ်းခြောက်မှုနှင့် နှောင့်ယှက်မှုကို ခံနေရကြောင်း ယာဉ်မောင်းများထံမှ သိရသည်။

ybs 2 2

ယခုအခါ ရန်ကုန်တိုင်းဒေသကြီးတွင် YBS ယာဉ်လိုင်း ၁၀၀ မှ ယာဉ်လမ်းကြောင်း ၁၂၃ ကြောင်းဖြင့် တစ်နေ့လျှင် ယာဉ်အစီးရေ ၄၃၀၀ ကျော် ပြေးဆွဲလျက်ရှိပြီး နေ့စဉ်ခရီးသွားပြည်သူ ၁ ဒသမ ၈ သန်းကို ဝန်ဆောင်မှုပေးလျက်ရှိကြောင်း YRTA မှ သိရသည်။

Facebook Comments
856 Shares