ငွေ ၇ သိန်းကျော် ကောက်ရထားသူက ငွေပြန်ပေးနိုင်ရန် လူမှုကွန်ရက်မှတဆင့် ပိုင်ရှင်ကိုရှာဖွေနေ

2402
7K Shares

ငွေ ၇ သိန်းကျော် ကောက်ရထားသူက ငွေပြန်ပေးနိုင်ရန် လူမှုကွန်ရက်မှတဆင့် ပိုင်ရှင်ကိုရှာဖွေနေ

dec 1

လမ်းတွင် ကောက်ရခဲ့သည့် ငွေကျပ်၇ သိန်းကျော်ကို မူလပိုင်ရှင်အား ပြန်ပေးရန်အတွက် မအူပင်မြို့မှ ကိုကျော်ဇောဟန်ဆိုသူက လူမှုကွန်ရက်မှတဆင့်ရှာဖွေနေကြောင်း သတင်းရရှိသည်။

ကိုကျော်ဇောဟန်မှာ ယနေ့ နံနက်ပိုင်းက မအူပင်မြို့ရှောင်လမ်းပေါ်တွင် ဆိုင်ကယ်မောင်းနှင်ရင်း ငွေကျပ် ၇ သိန်းကျော်ပါရှိသည့် ငွေထုပ်ကို ကောက်ရခဲ့ခြင်းဖြစ်ပြီး ယင်းငွေကို ရိုးသားစွာဖြင့် ပိုင်ရှင်ထံပြန်ပေးရန်အတွက် လူမှုကွန်ရက်မှတင့် မူလပိုင်ရှင်ကို ရှာဖွေနေခြင်းဖြစ်သည်။

dec 2

ကျနော်က မြို့ရှောင်လမ်းမှာ ဆိုင်ကယ်မောင်းနေရင်း အဲဒီအထုပ်ကို တက်ကြိတ်မိတာ။ အဲဒါနဲ့ ဘာတွေလဲဆိုပြီး ဖွင့်ကြည့်တော့ ပိုက်ဆံ ၇ သိန်းကျော်နဲ့ စာတစ်စောင်ရေးထားတယ်။ တကယ်တမ်းပြောရရင် ကျနော်လည်း ငွေလိုနေတာ။ ပြီးခဲ့တဲ့ရက်ပိုင်းက ကျနော့်ဖုန်းတွေ၊

ပိုက်ဆံအိတ်တွေ အခိုးခံထားရလို့လေ။ ဒါပေမယ့် ကျနော်ဒီငွေတွေကို မယူပါဘူး။ ပစ္စည်းပျောက်သူချင်း ကိုယ်ချင်းစာပါတယ်။ စာထဲမှာ ရေးထားတဲ့အကြောင်းအရာအတိအကျနဲ့ ငွေ ၇ သိန်းကျော်ရဲ့ အစွန်းတွက်ငွေပမာဏ အတိအကျပြောပြနိုင်သူကို ဒီငွေတွေ ပြန်လည်ပေးအပ်သွားမှာပါဟု ငွေကောက်ရထားသူ ကိုကျော်ဇောဟန်က ဧရာဝတီတိုင်းမ်ကို ပြောသည်။

dec 3

ပိုက်ဆံပျောက်ဆုံးသူ မူလပိုင်ရှင်အနေဖြင့် ဖုန်းနံပါတ် – ၀၉၉ ၆၅၆ ၅၇ ၁၁၈ ကို အချိန်မရွေး ဆက်သွယ်နိုင်ကြောင်း ပိုက်ဆံကောက်ရထားသူ ကိုကျော်ဇောဟန်က ပြောသည်။

Facebook Comments
7K Shares