ရည်းစားဟောင်းကို ကတ်ကြေးနဲ့ အချက်ပေါင်းများစွာထိုးသတ်ခဲ့ရခြင်းအကြောင်းအရင်းကို ထွက်ဆိုပြီ

154
ame

ရည်းစားဟောင်းကို ကတ်ကြေးနဲ့ အချက်ပေါင်းများစွာထိုးသတ်ခဲ့ရခြင်းအကြောင်းအရင်းကို ထွက်ဆိုပြီ

ame

တာချီလိတ်မြို့ တည်းခိုခန်းတစ်ခုမှာ အလုပ်လုပ်နေတဲ့ ရည်းစားဟောင်း ဖြစ်သူကို ကတ်ကြေးနဲ့ အချက်ပေါင်းများစွာ ထိုးသတ်ခဲ့သူကို တာချီလိတ်မြို့ အဝေးပြေးကားလေးဝင်းမှာ မတ်လ (၁၄)ရက် ညနေ (၅)နာရီခန့်က ဖမ်းဆီးရမိတယ်လို့ တာချီလိတ်မြို့မ ရဲစခန်းကနေသိရပါတယ်။

မတ်လ (၁၄)ရက် မနက်အစော (၁)နာရီခန့်က တာချီလိတ်မြို့ တည်းခိုခန်းတစ်ခုမှာ အလုပ်လုပ်နေတဲ့ မစုစုလှိုင်ကို ရည်းစားဟောင်းဖြစ်သူ သန်းဝေက ကတ်ကြေးနဲ့ အချက်ပေါင်းများစွာ ထိုးခဲ့တာကြောင့် မစုစုလှိုင်မှာ မတ်လ (၁၄)ရက် မနက် (၅)နာရီခန့်မှာ တာချီလိတ်ခရိုင် ပြည်သူ့ဆေးရုံကြီးမှာ သေဆုံးခဲ့ပါတယ်။

ame

မစုစုလှိုင်သေဆုံးခဲ့တာကြောင့် ကတ်ကြေးဖြင့် ထိုးသတ်သူ သန်းဝေကို တာချီလိတ်မြို့နယ် ရဲတပ်ဖွဲ့က လိုက်လံ စုံစမ်းရာမှာ သန်းဝေမှာ မြိုင်မြို့နယ်၊ အိုက်မရွာမှာနေထိုင်သူဖြစ်ပြီး တာချီလိတ်မြို့ကို မန္တလေးကနေတစ်ဆင့် လေကြောင်းနဲ့ ရောက်ရှိလာတာကို စုံစမ်းသိခဲ့ရပါတယ်။

သန်းဝေ လေယာဉ်လက်မှတ် ဝယ်ယူစဉ်မှာ ဆက်သွယ်ခဲ့တဲ့ ဖုန်းနံပတ်ကနေတစ်ဆင့် တာချီလိတ်မြို့နယ် ရဲတပ်ဖွဲ့ဝင်တွေက စုံစမ်းရာမှာ သန်းဝေရဲ့ မိဘတွေနဲ့ အဆက်အသွယ်ရရှိခဲ့ပါတယ်။

ame

သန်းဝေရဲ့ မိဘတွေကနေတစ်ဆင့် သန်းဝေ ရှိတဲ့နေရာကို ဆက်လက်စုံစမ်းရာမှာ သန်းဝေဟာ နေရပ်ကိုပြန်ဖို့ တာချီလိတ်မြို့ အဝေးပြေးကားလေးဝင်းကို ရောက်ရှိနေတာကို သိရပြီး မတ်လ (၁၄)ရက်နေ့ ညနေ (၅)နာရီခန့်မှာ ဖမ်းဆီးရမိခဲ့တာဖြစ်တယ်လို့ တာချီလိတ်မြို့မရဲစခန်းမှူး ဒုရဲမှူး မျိုးခိုင်က ပြောပါတယ်။

“အခင်းဖြစ်ပွားပြီး (၁၅)နာရီအတွင်း ကျွန်တော်တို့ ဖမ်းဆီးနိုင်ခဲ့တာဖြစ်ပါတယ်” လို့ သူက ပြောပါတယ်။ဖမ်းဆီးရမိတဲ့ သန်းဝေကို စစ်ဆေးချက်အရ သေဆုံးသူ မစုစုလှိုင်နဲ့ သန်းဝေတို့ဟာ လွန်ခဲ့တဲ့ (၅)နှစ်ခန့်ကတည်းက ဖေ့စ်ဘွတ်မှာ တွေ့ဆုံကာ ချစ်ကြိုက်နေခဲ့တယ်လို့ သိရပါတယ်။

ame

“သန်းဝေက မလေးရှားမှာ အလုပ်လုပ်နေကတည်းက သေဆုံးသွားတဲ့သူနဲ့က ချစ်ကြိုက်နေခဲ့တာပါ။ ဒါပေမယ့် လွန်ခဲ့တဲ့ (၂)လလောက်ကစပြီး သေဆုံးသူက ဖေ့စ်ဘွတ်ရော၊ မက်ဆင်ဂျာကနေရော ဘလော့သွားတယ်လို့ ပြောပါတယ်” လို့ တာချီလိတ်မြို့ရဲစခန်းမှူးက ပြောပါတယ်။

ဒီလို ဘလော့သွားတာချိန်မှာ သေဆုံးသူဟာ လုပ်ငန်းခွင်ထဲက တခြားတယောက်နဲ့ ချစ်ကြိုက်နေတယ်လို့ သန်းဝေက ကြားသိရပြီး တာချီလိတ်အထိလိုက်လာကာ တွေ့ဆုံစကားပြောရာကနေ ကတ်ကြေးနဲ့ ထိုးသတ်ခဲ့တာ ဖြစ်တယ်လို့ ဝန်ခံထားကြောင်း တာချီလိတ်မြို့မရဲစခန်းမှူး ဒုရဲမှူး မျိုးခိုင်က ပြောပါတယ်။

ame

ဖမ်းဆီးရမိတဲ့ သန်းဝေကို တာချီလိတ်မြို့မရဲစခန်းမှာ (ပ)၁၃၇/၂၀၁၉၊ ရာဇသတ်ကြီးပုဒ်မ ၃၀၂ နဲ့ အမှုဖွင့် အရေးယူ ဆောင်ရွက်လျှက်ရှိတယ်လို့ သိရပါတယ်။

Facebook Comments
500 Shares