ဂျန်နိုင်ငံ တွင်သွားရောက် ယှဉ်ပြိုင်ရမည့်ပွဲအတွက် ပြင်ဆင်မှုလေးကိုပြောလာတဲ့ အောင်လအန်ဆန်း

346
11K Shares

ဂျန်နိုင်ငံ တွင်သွားရောက် ယှဉ်ပြိုင်ရမည့်ပွဲအတွက် ပြင်ဆင်မှုလေးကိုပြောလာတဲ့ အောင်လအန်ဆန်း

aunglalsan 2 1

မတ် ၃၁ ရက်တွင် ဂျပန်နိုင်ငံ တိုကျိုမြို့၌ ယှဉ်ပြိုင်မည့် အောင်လအန်ဆန်နှင့် တွေ့ဆုံမေးမြန်း

မြန်မာ့စပါးအုံး အောင်လအန်ဆန်သည် မတ်လ ၃၁ ရက်တွင် ဂျပန်နိုင်ငံ တိုကျိုမြို့၌ ကျင်းပမည့် ONE: A NEW ERA ပြိုင်ပွဲတွင် ONE မစ်ဒယ်ဝိတ် ကမ္ဘာ့ချန်ပီယံခါးပတ်ကိုKEN HASEGAWA နှင့် ယှဉ်ပြိုင် ထိုးသတ်သွားမည်ဖြစ်ရာ ၄င်းအနေဖြင့် ယင်းပွဲစဉ်အတွက် ပြင်ဆင်ထားမှုများနှင့် ရှေ့ဆက်လုပ်ဆောင်သွားမည့် အကြောင်းအရာများကိုရန်ကုန်မြို့ Rose Garden ဟိုတယ်၌ မီဒီယာများနှင့် တွေ့ဆုံပြောကြားထားသည်များကို ကောက်နုတ်တင်ပြလိုက်ရပါသည်။

လာမယ့် ဂျပန်ပွဲအတွက် ဘာတွေ ပြင်ဆင်ထားသလဲ။

aunglalsan 4 1

ဂျပန်ပွဲအတွက် ပြင်းပြင်းထန်ထန် ကျွန်တော် လေ့ကျင့်နေပါတယ်။ မြန်မာ နိုင်ငံက ပရိသတ်တွေ ဂုဏ်ယူနိုင်အောင် ကြိုးစားမယ်။

ဂျပန်ပွဲအတွက် အချိန်ဘယ်လောက် လေ့ကျင့်မှုလုပ်ထားသလဲ။

လေ့ကျင့်နေတာ နှစ်လကျော်ပြီ။ အိပ်ရာကနိုးလာတာနဲ့ လေ့ကျင့်မှုစလုပ် တယ်။ တစ်နေကုန် မအိပ်ခင်အချိန်အထိ လုပ်တယ်။ တစ်ပတ်မှာ ခြောက်ရက်ကြိုးစား ပါတယ်။ အကောင်းဆုံးပြင်ဆင်ထားတယ်။ ဒီပွဲမှာ အကောင်းဆုံးဖြစ်မယ်လို့ ကျွန်တော် ယုံကြည်တယ်။

aunglalsan 5 1

ပြိုင်ဘက်အတွက်ရော ဘာတွေ လေ့လာထားတာရှိသလဲ၊ ဘယ်နှချီ လောက်နဲ့ အနိုင်ယူကစားမလဲ။

ဒီပွဲက ပထမပွဲနဲ့ မတူပါဘူး။ ဒီပွဲ အတွက် အကောင်းဆုံးပြင်ဆင်ထားတယ်။ ဒီပွဲမှာ ဝိတ်ကို ၁ဝ ပေါင်လောက် ကြီးအောင် လုပ်ထားတယ်။ ပထမပွဲထက် ပိုကြီးမယ်၊ ပိုအားရှိမယ်။ ကျွန်တော့်ရဲ့ သက်လုံပိုင်း ကိုလည်း ကောင်းအောင်ကြိုးစားထားတယ်။ ပြိုင်ဘက်ကို ပွဲစစချင်းမှာ ဖိအားပေးမယ်။ နှစ်ချီ၊ သုံးချီအတွင်း နိုင်အောင်ကစားမယ်။

ဂျပန်ပွဲဟာ ကိုယ့်မြေမှာ မဟုတ်တဲ့ အတွက် ဘယ်လိုခံစားရသလဲ။

aunglalsan 1 1

ပရိသတ်အားပေးမှုကတော့ ဒီလောက် များမှာ မဟုတ်ဘူး။ ဘယ်မှာပဲဖြစ်ဖြစ် ပြိုင်ဘက်က တစ်ယောက်တည်းဖြစ်တဲ့ အတွက် ကျွန်တော့်အတွက်တော့ စိတ်ထဲမှာ ဘာမှထူးခြားမှုတော့ မဖြစ်ပါဘူး။

အရင်က ကိုယ့်မြေမှာ ထိုးခဲ့ပြီး အခု ဂျပန်မြေမှာ ထိုးသတ်ရမှာဆိုတော့ ပရိသတ် တွေရဲ့ စိုးရိမ်ပူပန်မှု အပေါ် ဘာများပြောချင် သလဲ။

ကျွန်တော့်အမြင်ကတော့ ဂျပန်ပြည် မှာရှိတဲ့ မြန်မာတွေ လာရောက်အားပေး ကြမယ်လို့ ယုံကြည်တယ်။ မြန်မာပြည် မှာရှိတဲ့ မိသားစုတွေလည်း လာရောက် အားပေးကြမှာဆိုတော့ ကျွန်တော့်အနေနဲ့ ဘာမှစိုးရိမ်မှုတော့ မရှိပါဘူး။ အကောင်း ဆုံးပြင်ဆင်ပြီး အကောင်းဆုံးကစားပေးမှာ ဆိုတော့ ရလဒ်ကောင်းတွေ ထွက်လာလိမ့် မယ်လို့ ယုံကြည်ပါတယ်။

aunglalsan 3 1

နောက်ပွဲအတွက်ရော ထိုးသတ်သွားဖို့ ရှိလား။

လောလောဆယ်တော့ မစ်ဒယ်ဝိတ် ပဲပေါ့။ လိုက်ဟဲဗီးဝိတ်ကတော့ ထိုးဖို့ရှိပါ တယ်။ အဲဒီပွဲကတော့ အောက်တိုဘာလ နောက်ပိုင်းမှာ ဖြစ်ဖုိ့များတယ်။ မြန်မာနိုင်ငံ မှာ ဖြစ်ရင်တော့ ပိုကောင်းတာပေါ့။

ဝမ်းချန်ပီယံရှစ် ကစားသမားတွေ မွေးထုတ်ပေးဖို့ အစီအစဉ်ရှိပါသလား။

aunglalsan 4 1

ရှိပါတယ်။ လောလောဆယ် ကျွန်တော့်အနေနဲ့ က္ဘာ့ချန်ပီယံအနေနဲ့ ခါးပတ်ကို ထိန်းသိမ်းထားရမယ်။ လာမယ့်
နှစ်တွေမှာ ကျွန်တော်အများကြီး ကစားရဦး မယ်။ ကစားတဲ့အချိန်မှာလည်း ပညာတွေရှာ နေတယ်။ အဲဒီ ပညာတွေကို နောက်လာမယ့် လူငယ်တွေကို ပြန်ပေးဖို့ ကျွန်တော့်မှာ အစီအစဉ်တွေ ရှိပါတယ်။

MMA လောကကနေ ဘယ်အသက် အရွယ်လောက်မှာ အနားယူဖို့ စဉ်းစားထား သလဲ။

aunglalsan 5 1

နောက်ထပ် နှစ်နှစ်လောက်တော့ ကစားဦးမယ်။ အများဆုံး သုံးနှစ်ပေါ့။ အဲဒါ ပြီးရင် ကျွန်တော့်ပညာတွေကို ကစားချင်တဲ့ လူငယ်တွေကို ပြန်ဝေမျှမယ်။ မြန်မာနိုင်ငံက လူငယ်တွေကို ကျွန်တော့်ပညာတွေ ပြန်လည်ဝေမျှဖို့ အစီအစဉ်ရှိပါတယ်။ မြန်မာနိုင်ငံမှာ လာပြီးသင်ပေးမှာပါ။ အခြေ အနေပေါ်မူတည်ပြီး ရန်ကုန်မှာလုပ်ဖို့ စဉ်းစားထားပါတယ်။ ကချင်တို့၊ မန္တလေး တို့မှာလည်း လုပ်ဖို့ အစီအစဉ်ရှိပါတယ်။

Facebook Comments
11K Shares