မလေးရှားတွင် ဘီယာတုများသောက်မိသောကြောင့် မြန်မာ ၇ ဦး သေဆုံး

639
1K Shares

မလေးရှားတွင် ဘီယာတုကြောင့် ၁လအတွင်း မြန်မာ ၇ ဦး သေဆုံး

dcuio 2

မလေးရှားနိုင်ငံမှာ အလုပ်သွားလုပ်ကြတဲ့ မြန်မာတွေ ဘီယာအတု သောက်မိလို့ တလအတွင်း သေဆုံးသူ အနည်းဆုံး ၇ ဦးရှိသွားပြီး ၂ ဦး ဆေးရုံတက် ကုသနေရတယ်လို့ ကပုန်းနာရေး ကူညီမှုအသင်း ဥက္ကဋ္ဌ ဦးဆန်းဝင်းက ဒီဗွီဘီကို ပြောပါတယ်။

ပြီးခဲ့တဲ့ ဧပြီလ ၂၄ ရက်နေ့ကနေ မနေ့အထိပေါ့ သေဆုံးသူ ၇ ယောက်ရှိတယ်။ မနေ့က ဆုံးသွားတဲ့တယောက်က မန္တလေးတိုင်း တောင်သာက၊ အသက်က ၂၃ နှစ်ပဲ ရှိသေးတယ်။ သူ့ မိဘတွေက အသုဘကို ဟိုမှာလုပ်ချင်လို့ မနက်ကဘဲ လေယာဉ်နဲ့ ပြန်ပို့လိုက်တယ်ခင်ဗျ။ ဘီယာတုက တော်တော်လေးအဆိပ်ပြင်းတဲ့ပုံရှိတယ်။ သေဆုံးတဲ့သူတွေက လက်တွေ၊ လက်သည်းခွံတွေ အညိုရောင်စွဲနေတယ်။ ခုလောလောဆယ် ဆေးရုံတင်ထားရတာက ၂ ယောက် ရှိတယ်၊ သူတို့သောက်တဲ့ ဘီယာတွေက နာမည်ကြီးဘီယာတွေမဟုတ်ဘဲ ဈေးသက်သာတယ်လေ၊ အလုပ်သမားအနေနဲ့ ၀ယ်သောက်နိုင်တယ်ပေါ့နော်။

dcuio 1

မန္တလေးတိုင်း၊ တောင်သာမြို့နယ်၊ မင်းတည်းကျေးရွာနေ ကိုမျိုးမင်းခိုင် အသက် ၂၃ နှစ်ဟာ မလေးရှားနိုင်ငံ ပဲရပ်ပြည်နယ်မှာ မေလ ၁၁ ရက်က ဘီယာဘူးရှည်အတုတွေ သောက်သုံးပြီး ဆေးရုံမှာ သွေးအန် သေဆုံးခဲ့တာပါ။ပြီးခဲ့တဲ့ ဧပြီလ ၃၀ ရက်ကလည်း မလေးရှားနိုင်ငံ ပဲရပ်ပြည်နယ် အီပို့ဆေးရုံကြီးမှာ မြန်မာနိုင်ငံသား ကိုအောင် အသက် (၄၀) နှစ်ဟာ ဘီယာအတုတွေ သောက်လို့ သေဆုံးခဲ့ပါတယ်။

ဘီယာတုသောက်ပြီး သေဆုံးမှုမှာ မလေးရှားနိုင်ငံ ပဲရပ်ပြည်နယ်မှာ စတင်တွေ့ရှိ တဲ့အတွက် အဆိုပါပြည်နယ်ရှိ ဘီယာထုတ်လုပ်ရောင်းချမှုတွေကို မလေးရှားရဲ တပ်ဖွဲ့က လိုက်လံစစ်ဆေးနေတယ်လို့ ဆိုပါတယ်။မလေးရှားရောက် မြန်မာတွေအနေနဲ့ ဘီယာကြောင့် ဘေးအန္တရာယ်မဖြစ်ရအောင် ဘီယာကို ရှောင်ရှားသင့်ပြီး မနေနိုင်လို့ သောက်မယ်ဆိုရင် လိုင်စင်ရဘီယာ၊ လိုင်စင်ရအရက် တွေကိုသာ ရွေးချယ်သောက်သုံးသင့်ကြောင်း ဦးဆန်းဝင်းက တိုက်တွန်းပါတယ်။

dcuio 1

KING PRIESTS အမှတ်တံဆိပ်နဲ့ ဘီယာကို သောက်ပြီး မြန်မာအလုပ်သမားတွေ သေဆုံးခဲ့တာ ဖြစ်တယ်လို့ မလေးရှားရောက် မြန်မာလူမှုကူညီရေးအသင်း လူမှုကွန်ရက်မှာ ဖော်ပြပါတယ်။မလေးရှားနိုင်ငံမှာ ပြီးခဲ့တဲ့ ၂၀၁၂ နှစ်ကုန်ပိုင်းက အရက်အတုသောက်လို့ မြန်မာနိုင်ငံသား ၃၅ ယောက်သေဆုံးခဲ့သလို ၂၀၁၈ စက်တင်ဘာလကလည်း ၂၇ ယောက် သေဆုံးပါတယ်။

Facebook Comments
1K Shares